ಪಿಯುಸಿ ದುಸ್ರ್ಯಾ ವರ್ಸಾಚ್ಯಾ ವಿಜ್ಞಾನ್ ವಿಭಾಗಾಚ್ಯಾ ಫಳಿತಾಂಶಾಂತ್ ಆಮ್ಚ್ಯಾ ಫಿರ್ಗಜೆಚ್ಯಾ ಜೆಸ್ಟನ್ ಡಾಯಸಾನ್ 98.5% ಅಂಕ್ ಜೊಡ್ನ್ ಕರ್ನಾಟಕ ರಾಜ್ಯ್ ಮಟ್ಟಾರ್ ನೊವೆಂ (9th) ರ‌್ಯಾಂಕ್ ಆಪ್ಣಾಯ್ಲಾಂ.
ಜೆಸ್ಟನ್ ಡಾಯಸ್
ಜೆಸ್ಟನ್ ಡಾಯಸ್, ಬೆಣ್ಣೆಕುದ್ರು ಸಾಂತ್ ಆಂತೊನ್ ವಾಡ್ಯಾಚಾ ಮಾನೆಸ್ತಿಣ್ ಶಾಲೆಟ್ ಆನಿ ಮಾನೆಸ್ತ್ ಜೇಮ್ಸ್ ಡಾಯಸ್ ಹಾಂಚೊ ಪೂತ್ ಆನಿ ಉಡ್ಪಿ ಪೂರ್ಣಪ್ರಜ್ಞ ಕೊಲೆಜಿಚೊ ವಿದ್ಯಾರ್ಥಿ.
ಆಜ್ ಫಿರ್ಗಜ್ ಕುಟ್ಮಾಚ್ಯಾ ತರ್ಫೆನ್ ವಿಗಾರ್ ರೊನಾಲ್ಡ್ ಮಿರಾಂದಾ ಬಾಪಾಂನಿ ತಾಕಾ ಸನ್ಮಾನ್ ಕೆಲೊ ಆನಿ ಬರೆಂ ಮಾಗ್ಲೆಂ. ಹ್ಯಾ ವೆಳಾರ್ ಬಾಪ್ ವಿನ್ಸೆಂಟ್ ಕ್ರಾಸ್ತಾ, ಬಾಪ್ ರಿಚರ್ಡ್, ಫಿರ್ಗಜ್ ಗೊವ್ಳಿಕ್ ಮಂಡಳಿಚೊ ಉಪಾಧ್ಯಕ್ಷ್ ಮಾನೆಸ್ತ್ ಜೋಸೆಫ್ ಫೆರ್ನಾಂಡಿಸ್, ಕಾರ್ಯದರ್ಶಿ ಮಾನೆಸ್ತ್ ಎರಿಕ್ ಸೋನ್ಸ್, ಗೊವ್ಳಿಕ್ ಆಯೊಗಾಂಚೊ ಸಂಯೋಜಕ್ ಮಾನೆಸ್ತ್ ಹೆರಾಲ್ಡ್ ಡಿಸೋಜ, ಶಿಕ್ಷಣ್ ಆಯೊಗಾಚಿ ಸಂಚಾಲಕಿ ಮಾನೆಸ್ತಿಣ್ ಐರಿನ್ ಕಾರ್ಡೊಜಾ ಹಾಜರ್ ಆಸ್‌ಲ್ಲಿಂ.
ಹ್ಯಾ ಸಂದರ್ಭಾರ್ ಆಮಿ ಜೆಸ್ಚನ್ ಡಾಯಸ್ ಹಾಕಾ ಉಲ್ಲಾಸ್ ಪಾಟಯ್ತಾಂವ್ ಆನಿ ತಾಚ್ಯಾ ಮುಕ್ಲ್ಯಾ ಫುಡಾರಾಕ್ ಸರ್ವ್ ಬರೆಂ ಮಾಗ್ತಾಂವ್.
Pictures by : Herbert Menezes, Barkur
