ಆಜ್ ಫಿರ್ಗಜೆಚ್ಯಾ ಕಥೊಲಿಕ್ ಸಭಾ ಘಟಕಾನ್ ಅರ್ಥಾಭರಿತ್ ರಿತಿನ್ 'ಕಥೊಲಿಕ್ ಸಭೆಚೊ 35ವೊ ವಾರ್ಷಿಕೋತ್ಸವ್' ಆಚರಣ್ ಕೆಲೊ. ಸಕಾಳಿಂಚ್ಯಾ ಪಯ್ಲ್ಯಾ ಮಿಸಾಚಿ ಲಿತುರ್ಜಿ ಘಟಕಾಚ್ಯಾ ಸಾಂದ್ಯಾಂನಿ ಸಾಂಬಾಳ್‌ಲ್ಲಿ. ಮಿಸಾ ಉಪ್ರಾಂತ್ ಫಿರ್ಗಜ್ ಘರ‌್ಚಾ ಮಿನಿ ಹೊಲಾಂತ್ ಮಟ್ವೆಂ ಸಹಮಿಲನ್ ಕಾರ್ಯೆಂ ಮಾಂಡುನ್ ಹಾಡ್‌ಲ್ಲೆಂ.
ವಿಗಾರ್ ಬಾಪ್ ರೊನಾಲ್ಡ್ ಮಿರಾಂದಾ ಅಧ್ಯಕ್ಷ್ ಬಸ್‌ಲ್ಲ್ಯಾ ಹ್ಯಾ ಕಾರ್ಯಾಂತ್ ಮಾನೆಸ್ತಿಣ್ ನೊರಿನ್ ಲೋಬೊ ಮುಕೆಲ್ ಸಯ್ರೊ ಜಾವ್ನ್ ಹಾಜರ್ ಆಸ್‌ಲ್ಲಿ. ಫಿರ್ಗಜ್ ಗೊವ್ಳಿಕ್ ಮಂಡಳಿಚೊ ಉಪಾಧ್ಯಕ್ಷ್ ಮಾನೆಸ್ತ್ ಜೊಸ್ಸಿ ಫೆರ್ನಾಂಡಿಸ್, ಕಾರ್ಯದರ್ಶಿ ಮಾನೆಸ್ತ್ ಎರಿಕ್ ಸೋನ್ಸ್, ಗೊವ್ಳಿಕ್ ಆಯೊಗಾಂಚೊ ಸಂಯೋಜಕ್ ಮಾನೆಸ್ತ್ ಹೆರಾಲ್ಡ್ ಡಿಸೋಜಾ ಹಾಂಚಿ ಉಪಸ್ಥಿತೀಯ್ ವೆದಿಕಾರ್ಯಾಂತ್ ಆಸ್‌ಲ್ಲಿ.
ಪವಿತ್ರ್‌ ಅತ್ಮ್ಯಾಚ್ಯಾ ಗಿತಾದ್ವಾರಿಂ ಕಾರ್ಯೆಂ ಆರಂಬ್ ಜಾಲೆಂ. ಕಥೊಲಿಕ್ ಸಭಾ ಘಟಕ್ ಅಧ್ಯಕ್ಷ್ ಮಾನೆಸ್ತ್ ಎಡ್ಗರ್ ಫೆರ್ನಾಂಡಿಸಾನ್ ಸರ್ವಾಂಕ್ ಬರೊ ಯೆವ್ಕಾರ್ ಮಾಗ್ಲೊ. ಹಾಜರ್ ಜಾಲ್ಲ್ಯಾ ಘಟಕಾಚ್ಯಾ ಆದ್ಲ್ಯಾ ಸರ್ವ್ ಅಧ್ಯಕ್ಷ್- ಅಧ್ಯಕ್ಷಿಣಿಂಚಿ ಉಪಸ್ಥಿತಿ ತಾಣೆಂ ವಾಖಣ್ಲಿ ಆನಿ ತಾಂಕಾಂ ಫುಲಾಂ ದೀವ್ನ್ ಮಾನ್ ಕೆಲೊ.
ಘಟಕಾಚೊ ಆದ್ಲೊ ಕಾರ್ಯದರ್ಶಿ ರಿಪ್ಪನ್ ಡಿಸೋಜಾನ್ 2024-25 ವರ್ಸಾಚಿ ವಾರ್ಷಿಕ್ ವರ್ದಿ ಸಭೆಮುಕಾರ್ ದವರ‌್ಲಿ.
ಉಪ್ರಾಂತ್ ಕಥೊಲಿಕ್ ಸಭೆಚೊ ಆದ್ಲೊ ಅಧ್ಯಕ್ಷ್ ಮಾನೆಸ್ತ್ ಜೆರಾಲ್ಡ್ ಗೊನ್ಸಾಲ್ವಿಸಾನ್ ಪ್ರಾಸ್ತವಿಕ್ ಉಲೊವ್ಪ್ ದಿಲೊ. ಮಾನೆಸ್ತಿಣ್ ಶೈಲಾ ಡಿಸೋಜಾನ್ ಮುಕೆಲ್ ಸಯ್ರ್ಯಾಚಿ ಒಳಕ್ ಕರ‌್ನ್ ದಿಲಿ. ಆಪ್ಲ್ಯಾ ಉಲವ್ಪಾಂತ್ ಮಾನೆಸ್ತಿಣ್ ನೊರಿನ್ ಲೋಬೊನ್ ಘಟಕಾಚ್ಯಾ ವಾವ್ರಾಚಿ ಶಾಭಾಸ್ಕಿ ಪಾಟಯ್ಲಿ. ಆಪ್ಲ್ಯಾ ಅಧ್ಯಕ್ಷಿಯ್ ಉಲವ್ಪಾಂತ್ ವಿಗಾರ್ ಬಾಪಾಂನಿ ಘಟಕಾಚಿ ಪಾಟ್ ಥಾಪಡ್ಲಿ ಆನಿ ಸರ್ವ್ ಬರೆಂ ಮಾಗ್ಲೆಂ.
ಘಟಕ್ ಕಾರ್ಯದರ್ಶಿ ಮಾನೆಸ್ತಿಣ್ ಶರ್ಮಿಳಾ ಪಿಂಟೊನ್ ಸರ್ವಾಂಚೊ ಉಪ್ಕಾರ್ ಬಾವುಡ್ಲೊ. ‘ಸೊಮ್ಯಾಕ್‌ ಧಿನ್ವಾಸುಂಯಾ’ ಗಿತಾ ದ್ವಾರಿಂ ಕಾರ್ಯೆಂ ಅಕೇರ್ ಜಾಲೆಂ. ಹೆಂ ಸಗ್ಳೆಂ ಕಾರ್ಯೆಂ ಮಾನೆಸ್ತಿಣ್ ಆಲಿಸ್ ಡಿಸೋಜಾನ್ ನಿರ್ವಹಣ್‌ ಕೆಲೆಂ.
Pictures by : Herbert Menezes, Barkur
